الأحد، 26 يوليو 2009
المصرية للاتصالات وامتصاص دماء المصريين
رغم أن سعر المكالمات فى شركات الهاتف المحمول الثلاث أصبحت ببلاش تقريبا وسعر الجهاز ذاته حكاية غريبة ويوزع هدايا على طلبة المدارس فى المكتبات إلاأن الشركة المصرية للاتصالات ولافى دماغها ولابتسأل فى الناس وطالعة نازلة منشار اشتراك 36جنيه وإظهار رقم حوالى 15جنيه ومكالمات زائدة بدون حساب ولارقابة وانترنت و..و..و ووووووالفاتورة مليانة بكش على الغلابة أنا مش عارف الناس متمسكة بيه ليه ؟؟ كفاية عليهم المحمول أقولك أناليه ؟؟لأن الشركة بتخوفهم من الغرامة وقطع الحرارة يعنى فصل الخط من عندهم أحسن حاجة كل مشترك يتغدى بيهم قبل مايتعشوا بيه يعنى يفضل يتكلم أطول فترة ممكنة وبعدين مايدفعش لهم حاجة أو يفتح سنترال ويمص دم الشعب زيهم ويبقى كده لقى شغلة فى زمن البطالة أو يفصل الخط ويرمى التلفون فىالزبالة ويريح دماغه لأن الشركة مش ممكن حا تتنازل لصالح الشعب طالما بيدفع زى العبيط حل آخر نعملوا إضراب يوميا عن استخدامه لمدة 12ساعة ونقلل من الخواص زى إظهار الرقم والمباشر والخواص الاخرى
الاشتراك في:
تعليقات الرسالة (Atom)
ليست هناك تعليقات:
إرسال تعليق